2 ka sunog sa unang adlaw sa Fire Prevention Month

DAKBAYAN sa Sugbo giigo og duha ka mga sunog sa unang adlaw sa Fire Prevention Month.

Unang sunog niulbo sa alas 12 pasado sa tungang gabii sa Martes, Marso 1, sa Barangay Pardo, Siyudad sa Sugbo.

Nadawat sa Cebu City Fire Office (CCFO) ang alarma sa sunog alas 12:12 sa kaadlawon.

Si FO3 Fulbert Navarro nibutyag nga usa ka balay nga gipanag-iya sa usa ka Peblea Alfaro nasunog ug nilanat lang og duha ka minuto ang pagkombate dayon ilang gideklarar nga hingpit nang napawong.

Matod ni Navarro nga sa ilang imbestigasyon ang hinungdan sa sunog mao ang electrical overload.

Samtang sa alas 4:50 sa kaadlawon, laing sunog girespondihan sa kabomberohan sa dan Escario, Barangay Capitol Site, Siyudad sa Sugbo dihang kwarto sa usa ka balay nasunog. Ang balay gipanag-iya ni Wilfredo Ondoy.

Matod ni Navarro nga usa ka minuto lang sukad sa ilang pag-abot, napawong dayon ang kayo.

Ang lamparilya nga napatiran sa itoy maoy hinungdan sa pag-ulbo sa kayo.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph