Ang Kagamhanan sa Probinsiya sa Sugbo mobutang og solar-powered LED street lights sa tibuok probinsiya nga mobalor og P10 milyones.
Ang unang benepisyaryo sa proyekto mao ang lungsod sa Madridejos sa Isla sa Bantayan, matod sa Sugbo News, opisyal nga plataporma sa balita sa Kapitolyo.
Si Gobernador Gwendolyn Garcia maoy nangulo sa groundbreaking sa kongkretong lamp post pedestal sa Barangay Talangnan sa amihanang lungsod sa Sugbo sa Sabado, Marso 5, 2022.
Apil sab nga makakuha og solar-powered LED street lights ang laing duha ka mga lungsod sa Bantayan Islands, nga mao ang Bantayan ug Sta. Fe.
Niadtong Disyembre 14, atol sa yearend assembly sa Liga ng mga Barangay-Cebu Province sa City Sports Club Cebu sa dakbayan sa Sugbo, si Garcia nipahibawo sa plano sa pagpasiga sa mga barangay road.
Si Garcia niingon nga ang Lalawigan sa sinugdan nakapalit og 2,500 ka solar lamps, nga adunay repeat order niini sa pagtrabaho.
Matod niya nga prayoridad sa mga suga ang mga sementadong barangay roads.
Ang gobernador nagkanayon nga ang mga barangay sa Probinsiya sa Sugbo makadawat og P1.5 bilyones nga ayuda gikan sa Cebu Provincial Government sa 2022, ingon man ayuda alang sa water development ug road concreting, human ang Cebu Provincial Board nipasar sa labing dako provincial budget nga P18. 3 bilyon alang sa 2022.
Apan ang Bagyong Odette (Rai) nihapak paglabay sa duha ka adlaw niadtong Disyembre 16, nga nagpugos sa Kapitolyo sa pagtutok sa hamubo nga mga prayoridad sa paghatag og pagkaon ug tabang sa pagtukod pag-usab sa mga residente nga naapektuhan sa kusog nga bagyo, ingon man usab sa paghatag og power generation assistance sa mga local government unit aron makatabang sa suplay sa tubig, komunikasyon ug uban pang mga isyu.