Excise tax, VAT sa oil ipasuspenso

NIDEMANDA ang Alyansa sa mga Mamumuo sa Sugbo-Kilusang Mayo Uno (AMA Sugbo-KMU) ug Pagkakaisa ng mga Samahan ng Tsuper at Opereytor-Cebu (Piston-Cebu) sa pagsuspenso sa excise tax ug VAT sa oil sa pagsanta sa dakong umento sa presyo sa mga produkto sa petrolyo nga gipatuman sa mga kompaniya sa lana sa nasod niadtong Martes, Marso 8.

Samtang, si Senate Majority Leader Juan Miguel Zubiri nisuporta sa lakang sa pagsuspenso sa fuel excise tax tungod sa kalit nga pagtaas niini sa kalibotanong merkado sa lana tungod sa gubat tali sa Russia ug Ukraine ug nanawagan siya sa pagpatuman sa paggamit sa Biofuels Act, pagkuha sa alternative fuels.

Ang Piston-Cebu ug urban poor group Panaghugpong sa mga Kabus nga Taga Dakbayan-Kadamay Cebu (Panaghugpong-Kadamay Cebu) nipahigayon og protesta sa nagkalainlaing gas stations sa Sugbo niadtong Martes ug nipadayag sa pagpakabana.

Ang AMA Sugbo-KMU ug Piston-Cebu ningtumbok sa pipila ka mga probisyon sa TRAIN Law diin ang excise tax masuspenso kon ang presyo sa crude oil molabaw sa $80 per barrel.

Atol ning pagsuwat, ang presyo sa Dubai crude oil naa sa $116 matag barrel ug Brent crude oil naa sa $131 matag barrel.

Si Jaime Paglinawan, chairperson sa AMA Sugbo-KMU, nagkanayon nga ang pagsuspenso sa excise tax ug VAT, ang presyo sa lana ug ubang produkto sa petrolyo mokunhod og P18 per liter sa gasolina ug P13 per liter sa diesel.

Si Piston-Cebu chairperson Greg Perez nipadayag sa mga demanda sa mga drayber nga ipadali ang paghatag sa igong tabang sa kagamhanan tungod sa kalisod.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph