Iyaan, pag-umangkon nasikop sa buy-bust; lola mihilak kay apo gisikop

MAG-IYAAN: Ang mag-iyaan nga sila si Alma Cabido,53, taga Purok Matinabingon, Sityo Dauis , Barangay Tabunok,dakbayan sa Talisay ug iyang pag-umangkon nga si Ricky Burla, 26, taga Barangay Sawang Calero, siyudad sa Sugbo dungan nga nasikop sa buy-bust. (Hulagway ni Benjie B. Talisic)
MAG-IYAAN: Ang mag-iyaan nga sila si Alma Cabido,53, taga Purok Matinabingon, Sityo Dauis , Barangay Tabunok,dakbayan sa Talisay ug iyang pag-umangkon nga si Ricky Burla, 26, taga Barangay Sawang Calero, siyudad sa Sugbo dungan nga nasikop sa buy-bust. (Hulagway ni Benjie B. Talisic)

Iyaan ug pag-umangkon dungan nga nangadakpan sa buy-bust sa mga sakop sa Police Drug Enforcement Group-Special Operations Unit (PDEG-SOU) sa Sabado sa kaadlawon, Marso 12, sa sityo Kawayan, Barangay San Roque, Dakbayan sa Talisay.

Ang mga nangadakpan giila nga sila si Alma Cabido,53, taga Purok Matinabingon, Sityo Dauis , Barangay Tabunok,dakbayan sa Talisay ug iyang pag-umangkon nga si Ricky Burla, 26, taga Barangay Sawang Calero, siyudad sa Sugbo.

Ang duha nakuhaan og gituohang shabu nga mobalor og P102,000 base sa iyang street value.

Matud ni Police Captain Roy Rondina, team leader sa PDEG Visayas nga maoy nangu sa buy-bust, usa ka semana nilang gipanid-an si Cabido.

Si Cabido giingong maoy tigpada og drugas sa usa ka lungsod nga anaa sa isla apan wala na una niya gibutyag kon unsa kini.

Samtang si Burla maoy suguon sa paghatud sa drugas ngadto sa tawo nga ni-order ug maoy mokobra sa bayad.

Gihulagway ni Rondina si Cabido nga makabaligya og 30 gramos sa shabu matag semana.

Ang duha wala na moluwat og pamahayag dihang kuhaan unta sa Superbalita Cebu sa ilang pamahayag.

SINDIKATO?

Giingong sakop sa Lahug drug group syndicate nga nag operate sa Barangay Lahug nasikop sa drug-bust sa Philippine Drug Enforcement Agency (PDEA 7).

Si Leia Alcantara, tigpamaba sa PDEA 7, niingon nga ang dinakpan nga si Rey Anthony Amandoron, 21, lumolupyo sa Sityo Son-uc, Barangay Lahug, nalakip sa Watchlist Individual sa PDEA 7.

Si Amandoron nasakmitan og duha ka pakete sa gidudahang shabu. Siya nasikop na kaniadto sa pagpamaligya og illegal drugs, apan nakapiyansa.

Iyang gipanghimakak nga iyaha ang illegal drugs nga duha ka putos.

Pwerteng hilak sa iyang apohan nga gikuyog sa barangay konsehal dihang iyang naabtan si Amandoron nga mao diay ang gidakop.

Wa siya makatuo nga ang iyang apo namaligya og illegal drugs kay wa kini kwarta hinungdan nga iya kining hinatdan og pagkaon.

Ngan sa apohan gipugngan ning mantalaan, apan naa magtrabaho sa barangay.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph