Vallena: Klase sa biseklita

Grabe ang social media karon, maglalis ug magbugalbugal sa ilang mga kandidato. Apan nakahibawo ka ba nga bisan sa biseklita, dunay panaglalis?

Ang mga roadie ug mountain bikers maglalis asay mas nindot. Naa say nag push og mga folding bike, apan ang ubang naa sa laing discipline sa biseklita, mahimuot.

Apan alang nako, unsa man guy lalisan nga lainlain man ni nga klase sa biseklita. Ang road bike lahi sa mountain bike. Ang folding bike lahi sab sa duha ka mga klase sa biseklita.

Ang road bike naa lang sa ngalan nga road. Di siya pwede sa mga rough terrain kay ang iyang build for the road man. Ang mountain bike, hard tail ug suspension, alang sa mga rough terrain, either motungas o magdulhog.

Ang folding bike alang sa city touring o kanang pangsuroysuroy sagad sa urban areas. Mao ni ang primary purpose sa paghimo sa folding bike. Masulod sa mga sakyanan kay ma fold ug madala kon magbakasyon ka. Dako kaayo og tabang sa mobility.

Hinuon, mahimo mang maglalis ang enthusiasts sa road ug mountain bike kon asay mas maayo sa duha kon anha sa mga karsada. Natural, ang road bike which is built for speed. Ang 40 kilometers per hour sa road bike sayon ra kaayo mao nga mas dali makabiyahe og lagyo kay sa mountain bike.

Alang nako, di ni angay lalisan kay tagsa-tagsa lagi ka matang sa biseklita dunay purpose nganong kini gihimo.

FOLDING BIKE

Karon nga pandemic, migrabe ang folding bike growth sa Luzon base sa akong nakita sa mga post sa usa ka club nga usa sa nagtukod akong higala nga mountain biker. Grabe sila maka tour kay lagyo kaayo ang maabtan. Kuyaw pa kaayo og mga brand name kay naay Brompton, Dahon, Tern ug uban pa.

Kini nga brands mas mahal pa kay sa mid range hard tail MTB, sama sa Dahon ug Brompton. Sa ako nang giingon, base sa akong kasinatian, way makalupig sa folding bike kon city touring ang hisgutan. Mas nindot isuot sa heavy traffic nga mga karsada tungod sa iyang gamay nga geometry.

Di sab hinay ang folding bike kon butangan ni og 53-teeth ring. Unya slick pa ang ligid. Magamit kaayo ni sa lagyo nga touring, bisan 100 kilometers pa ang gilay-on. Makaingon sab tang built for speed kay kusog man gyud tuod. But mas maayo nga duha ka rings ang ibutang kay nakasuway na ko, tungod sa ka layo, magkabug-at ang biseklita.

PANDEMIC

Sa bisan asa nga dapit sa Western countries, nag shortage sa supply sa branded bikes tungod sa taas nga demand tungod sa pandemic. Dunay projections nga hangtod pa ni sa 2023 samtang ang pandemic magsugod og kalawos sa 2024 pa.

Bisan unsa ang imong biseklita, enjoy it. Apan lagi, if baratuhon ang imong MTB, labina sa mga dapat, ayaw lang og kompyansa. Sa ginaingon pa, you get what you pay for.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph