Construction worker gidunggab sa silingan

USA ka construction worker ang gidunggab sa iyang silingan human nagkalalis gumikan sa kahubog sa alas 3:25 sa kaadlawon sa Dominggo, Marso 13, sa Barangay Binabag, lungsod sa Pinamungajan.

Si Danilo Lumansang Bayutas, 40, ulitawo, construction worker ug nagpuyo sa nahisgutang lugar, nakaangkon og daghang dinunggaban sa nagkadaiyang bahin sa lawas.

Si Venscie Lumansang Makiling, 18, ulitawo, silingan sa biktima, nasikop human sa krimen ug nakuha ang 11 ka pulgadang kitchen knife.

Si Major Vincent Zozobrado, hepe sa Pinamungan Police Station, nagkanayon nga nagtagay ang biktima ug suspek uban sa ilang mga higala.

Dihang nangahubog nagkalalis sa ilang karaang panagbangi.

Ang suspek matulog na unta apan ang biktima nagsige og pagpanghasi hinungdan nga nikuha kini og kitchen knife ug gidunggab niya ang biktima sa makadaghang higayon.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph