NAUSAB ang huna-huna ni Mexican supertar Saul Canelo Alvarez ug nipadayag na kini’g interes nga makig-away og balik kang Kazakh Gennadiy ‘GGG’ Golovkin sa ikatulong higayon.
Ang premirong away niadtong 2017 miresulta sa split draw unya midaog si Alvarez pinaagi sa majority decision sa ikaduhang away niadtong 2018.
Human niini, nagkanayon si Alvarez nga wala na siya’y intensyon nga makig-away pa og balik kang Golovkin.
Apan wala’y undang sa pagpanghagit si Golovkin alang sa ikatulong away hangtod nga nakuha niya ang atensyon ni Alvarez.
Gitataw ni Alvarez nga dili una siya magtutok kang Golovkin gumikan kay aduna pa siya’y umaabot nga away.
Si Alvarez makigsangka kang Dmitry Bivol karong Mayo 7, 2022 alang sa World Boxing Association (WBA) light heavyweight title.