Obiena makaapil na sa SEAG

MAKAREPRESENTAR na sa Pilipinas si pole vault Olympian EJ Obiena alang sa 31st Southeast Asian Games nga ipahigayon karong Mayo, 2022 sa Vietnam.

Kini human gipahamtangan sa Philippine Olympic Committee (POC) executive board og tulo ka mga buwan nga suspensyon ang national sports associations (NSAs) sa athletics ug tennis.

Gipangtumbok mao ang Philippine Athletics Track and Field Association (PATAFA) ug Philippine Tennis Association (Philta).

Si POC president Rep. Abraham “Bambol” Tolentino nagkanayon nga gisuspenso sa POC ang Philta gumikan kay wala nakatuman sa mando sa International Tennis Federation (ITF) nga usabon ang ilang lagda ug magpahigayon og eleksyon aron makapili og bag-ong board members.

Samtang ang Patafa gisuspenso sa POC gumikan kay pakyas sa pagtuman sa tuyo ug tumong sa usa ka NSA nga mao ang pagpalambo sa natad sa paugnat sa kusog ug pag-promote sa sportsmanship.

“Our constitution states that POC may suspend an NSA for any reason. However, it’s transparent that Patafa has deliberately and intentionally disregarded our basic principles of promoting sports and development,” pasabot ni Tolentino.

Ang POC nakadesisyon niini human wala giapil sa Patafa sa ilang puwersa si Obiena nga mokombati sa SEAG.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph