USA ka medical student ang nisakmit sa korona sa ‘Miss Cebu 2022 Quincentennial Cebuana’ nga gipahigayon sa Plaza Independencia, Miyerkules sa gabii, Marso 16.

Siya mao si Gabriella Mai Carballo kinsa nigawas nga labing maayo tali sa laing onse ka mga kandidata, labi na sa final question and answer portion.

Ang pangutana: “What is the strength of your generation to survive and thrive the challenges today.”

Direkta ug way sabod ang iyang pagtubag: “Our generation is known as the generation that has consistently had access to so much information on the internet. now, a lot of people may see this as a bad thing because maybe we’ll spread bad news to other people. however, i believe the contrary. our generation, with this knowledge, has the ability to empathize with people all across the globe, and as a cebuana, i hope that i can embody this quality and use it if you allow me to be your miss cebu 2022.”

First runner-up si Dannika Anne Ocampo; 2nd runner-up si Ciairha Jenyne Monsanto; 3rd runner-up si Christine Mari Aberion; ug 4th runner-up si Karla Mari Frances.

Nakadawat ang mga mananaog og cash prize ug ubang premyo gikan sa mga sponsor.

Ang special awards nakuha nila ni Bianca Wilamsen isip Miss Friendship ug Miss Photogenic; Christine Mari Aberion isip Miss Confident ug Miss Fili award; Lorraine Hann isip Miss Koomi ug Miss Peakway; Dannika Anne Ocampo isip Miss Pagcor Charity.

Nakuha ni Carballo ang Miss Oro Galleria ug Rhean Caruana isip Best in Evening Gown.

Samtang nakadawat og tag P10 mil cash ug uban pa gikan sa sponsors.

Ang hosts sa pageant mao si Miss Earth 2008 Karla Henry ug actor nga si Tony Labrusca.

Mapasalamaton ang pangulo sa Cebu City Tourism Commission, Konsehal jocelyn Pesquera, sa kalampusan sa maong kompetisyon.

Katapusang nipahigayon ang Miss Cebu Organization sa maong kompetisyon niadtong 2016.