CASHIER sa swertres sa Brgy. Poblacion West, lungsod sa Moalboal gitulis sa riding in tandem sa alas 2:00 sa kaadlawon, Biyernes, Marso 18.
Si Wilson Cabasag, 28, ulitawo, nagpuyo sa nahisgutang lugar ug cashier sa Saturn Gaming Amusement Corp. nangayo og abag sa kapulisan.
Samtang wala pa mailhi sa kapulisan ang duha ka mga tulisan nga naka-bonnet og itom, jacket og itom ug nagsakay sa motorsiklo.
Si Police Staff Sgt. Kenneth Jerusalem sa Moalboal Police Station nga nahinabi sa Superbalita Cebu, nagkanayon nga moabot sa P48 mil ang nadala sa mga tulisan lakip sa duha ka selpon sa biktima.
Matud ni Police Staff Sgt. Jerusalem, si Cabasag nag-inventory sa ilang kita diha sa ilang opisina ug kalit nga niabot ang mga tulisan.
Si Jerusalem niingon nga palawman ang ang imbestigasyon sa maong kaso.