TUNGOD sa kaabtik sa mga bombero, ang sunog sa usa ka balay sa Sitio Mangga, Barangaya Tisa, dakbayan sa Sugbo, alas 5:18 sa hapon, wala modako ug napawong dayon human sa pipila ka minutos.
Ang balay nga ginama sa light materials gipanag-iya ni Felomina Villapañe apan giabangan sa usa ka Reymart Baynos ug mga kauban.
Ang sunog giisa sa 1st alarm ug wala na maisa sa dugang alarma human nakontrolar dayon ug gideklarar nga fire out.
Gibanabana sa mga bombero nga P3,000 ang danyos sa sunog.
Gituohan nga ang sinugdanan sa sunog mao ang aircon unit human nikalit kini og aso.
Ang Bureau of Fire Protection (BFP) nag-obserbar karon sa Fire Prevention Month, apan dili mominos 16 na ka alarma sa sunog ang gitubag sa Cebu City Fire Office (CCFO) sukad sa Marso 1, 2022.