DING Walung Turu nang Ginung Caitanya Mahaprabhu
(1)
Ligaya king Pamigale Pangmarakalan ding Nwan a Lagyu ning Ginu
A maglinis king pusu karing alikabuk a mitipun karing dakal a banwa
at papatda king api ning bye misane, ning paulit-ulit a pamibait at kamatayan.
Ing pamigunyat king Pamigale Pangmarakalan ya pin ing makapaunang pamikalam laganas
king ketawan uling kakalat na ing aslag ning Bulan ning Kalam.
It yang bye ding sablang belwan a kakataskatasan.
Daragdagan na ing dagat ning nyaman a kakataskatasan,
at payntulutan nang lasang tibubus ing sabo a panigapwan tamung parati.
Glory to the Shri Krishna sankirtana (congregational chanting of the Lord's holy names),
which cleanses the heart of all the dust accumulated for years and extinguishes the fire of conditional life, of repeated birth and death. That sankirtana movement is the prime benediction for humanity at large because it spreads the rays of the benediction moon.
It is the life of all transcendental knowledge. It increases the ocean of transcendental bliss,
and it enables us to fully taste the nectar for which we are always anxious.
(2)
O kanakung Ginu, ing Nwan mung Lagyu Mu kabud ing makapagkalub karing kalam
karing sablang mabibye, inya sa’t atin Kang dinadinalan at kata-katang lagyu,
mengari king Krishna, Govinda, Allah, Kristos, at aliwa pa.
Karing kakataskatasang lagyung deni, gewa mong punan ing sabla
mung kakataskatasang sikanan.
Ala mang masulit at mabilis a tuntunan para king pamgigale karing lagyung deni.
O kanakung Ginu, pauli ning ganaka Mu pebustan mu kaming alapitan da Ka
kapamilatan ding Nwan mung Lagyu,
dapot bina kung alang palad uling e ku mayayagyag karela.
O my Lord, Your holy name alone can render all benediction to living beings, and thus You have hundreds and millions of names, like Krishna and Govinda. In these transcendental names,
you have invested all Your transcendental energies. There are not even hard and fast rules
for chanting these names. O my Lord, out of kindness You enable us to easily approach you
by Your holy names, but I am so unfortunate that I have no attraction for them.
(3)
Ninu man sukat gumale karing Nwan a Lagyu king mapakumbabang kabilyan ning isip,
isipan ing sarili anting lakwas pang mababa kesa king are king dalan;
ninu man sukat mapibabata ka kesa king impun tanaman,
alang nanu mang kapanamdamang maling dangalan,
at sukat parating makadyang mamye galang karing aliwa.
King kabilyan ning isip antini malyari yang gumale
karing Nwan nang Lagyu ning Ginu parati.
One should chant the holy name of the Lord in a humble state of mind, thinking oneself lower than the straw in the street; one should be more tolerant than a tree, devoid of all sense of false prestige, and should be ready to offer all respect to others. In such a state of mind one can chant the holy name of the Lord constantly.
(4)
O mayupayang Panginwan, ala kung kapagnasang makatipun pibandyan,
at ali ku mu naman magnasang mangalagung babai,
at ali ku la naman buring mikamarakal a talatuki.
Pagnasan ku mu ing Kekang alang sangkan a makatagulaling a kasuywan,
beytan kaybat ning beytan.
O, almighty Lord, I have no desire to accumulate wealth, nor do I desire beautiful women,
nor do I want any number of followers. I only want Your causeless devotional service,
birth after birth.
(5)
O mambang nang Aring Nanda (Krishna), aku ing alang-angga mung talasuyu,
makanyan man mebaldug ku king dagat ning beytan at kamatayan.
Pakisabi kung mayap ing pulutan mu ku sana king dayat malat ning beytan at kamatayan at ibili mu ku anting pekamalating bage karing tukal mung bitis.
O son of Maharaja Nanda [Krishna], I am Your eternal servitor, yet somehow or other I have fallen into the ocean of birth and death. Please pick me up from this ocean of death and place me as one of the atoms at Your lotus feet.
(6)
O kanakung Ginu, kapilan la kayang ding mata ku migayak king lwa
ning lugud a parating tutulu neng gagale ku la ring Nwan mung Lagyu?
Kapilan ing siwala ku mabaknal, at kapilan la ring bulbul king katawan ku
manalakad king pamanungge karing Kekang Lagyu.
O my Lord, when will my eyes be decorated with tears of love flowing constantly when I chant Your holy name? When will my voice choke up, and when will the hairs of my body stand on end at the recitation of Your name?
(7)
O Gobinda!
Neng panamdaman ku ing dayu Mu, tuturing kung ing penandit
anting labingadwang banwa o migit pa.
Ding lwa tutulu la ibat karing mata kung anting patak ning uran,
At daramdaman ku ing pangakalubkuban king labwad king kayalan Mu.
O Govinda! Feeling Your separation, I am considering a moment to be like twelve years or more. Tears are flowing from my eyes like torrents of rain, and I am feeling all vacant in the world in Your absence.
(8)
Ala kung aliwang Ginu nung e mu kabud i Krisna,
at mandatila Yang antita agya man tatalnan na kung asna kagaspang kapamilatan ning kaul na
o gagawan nang mangaspak ku pusu neng ala yu king arapan ku.
Lubus yang malayang gawan ing nanu man at ing sablang bage,
uling Ya ing kanakung parating malyaring samban a Panginwan,
alang panayang kapalit.
I know no one but Krishna as my Lord, and He shall remain so even if He handles me roughly
by His embrace or makes me brokenhearted by not being present before me.
He is completely free to do anything and everything, for He is always my worshipful Lord, unconditionally.
***
Salamat pung dakal king pamanangkilik keng Kapisik at SunStar Pampanga. Malyari ko pung mag-email keng kek’ong talasulat king garciakragi@yahoo.com, mag-text o maus para karing kutang o munikala: 0942-3924-399 o 0945-3795-270.