Sulod na sa semifinals ang crowd-favorite Barangay Ginebra Gin Kings human nila gibihag ang TNT Tropang Giga, 115-95, sa Game 2 sa quarterfinals didto sa Smart-Araneta Coliseum niadtong Sabado.
Ang No.6 ranked Gin Kings misugod sa series nga adunay twice-to-beat disadvantage batok sa No. 3 Tropang Giga. Bitbit ang mantra nga “Never Say Die” nakompleto sa Ginebra ang lisod nga tahas.
Ang import nga si Justin Brownlee nanghasi sa duwa nga adunay 29 puntos, 18 rebounds ug pito ka assists, samtang ang guard nga si Thompson hapit maka triple-double sa iyang 17 puntos, 10 rebounds ug siyam ka assists.
Midugang og 26 puntos si Japeth Aguilar ug 22 puntos ang court general nga si LA Tenorio.
Unang gipilde sa Ginebra ang TNT, 104-92, sa Game 1 niadtong Miyerkules.
Ang Ginebra makigharong sa NLEX Road Warriors sa best-of-five semifinals nga sugdan karong Marso 23.