Ang summer mao ang panahon nga mas modaghan ang kompetisyon sa paugnat sa kusog labi na sa outdoor sports.
Pormal na gi-anunsiyo sa Philippine Atmospheric, Geophysical and Astronomical Services Administration (Pagasa) ang pagsugod sa summer sa miaging semana dinhi sa Pilipinas.
Sa laing nasod, excited napud sa summer ang mga atleta, usa na niini ang social media personality, professional surfer ug modelo nga si Anastasia Ashley nga nakabasi sa California, United States.
Nagkaduol napud ang summer sa California.
Sa post ni Ashley sa iyang Instagram account @anastasiaashley nga adunay 1 million followers, gipadayag niini nga excited siya kay mas taas napud ang iyang oras sa beach inig sugod sa summer sa ilang lugar.
Beterana na ang 35-anyos nga si Ashley sa surfing kay sukad niadtong elementarya pa siya miapil na kini og surfing competitions.
Lakip sa mga achievements ni Ashley mao ang Triple Crown Rookie of the Year Award, duha ka National Scholastic Surfing Association championships ug National Title.