Nahimong emosyonal ang Filipino basketball fans niadtong Sabado sa pormal na nga pagbiya sa 14-time Philippine Basketball Association (PBA) champion Alaska Aces.

Gilupig sa NLEX Road Warriors ang Alaska Aces, 96-80, sa do-or-die game Sabado sa gabie didto sa Smart Araneta Coliseum nga maoy mitapos sa “AlasDance” sa Alaska.

Gihatagan og sendoff sa PBA ang Aces diin mipaambit og short message si PBA Commissioner Willie Marcial. Gisundan kini sa pagpislit sa final buzzer isip simbolo sa pagkatapos sa malampuson ug mabulokon nga era sa Alaska.

Gipatukar pud ang sikat nga “Wala Pa Ring Tatalo sa Alaska” jingle sa dihang padulong na mosulod sa locker room ang Aces.

Nagbaha og comments ang Facebook page sa Aces human ang ilang final game sa PBA.

Komento pa ni netizen Lish Montemayor nga bilib siya sa nabuhat nga legacy sa Aces isip independent team.

Si netizen Rhudz Antiado nagpasalamat sa tanang players, coaching staff ug management sa paghatag sa mga Alaska fans ug solid nga mga seasons.

Si Bogs Adornado ug ang duo ni Elpidio “Yoyoy” Villamin and Ricky Relosa nga naila sa “Bruise Brother” maoy nagsugod sa pagsulbong sa Alaska/Hills Bros.

Gisundan kini sa mga bituon sama nila Bong Alvarez ug Boy Cabahug, Johnny Abarrientos, Jojo Lastimosa, Sean Chambers, Bong Hawkins, Jeffrey Cariaso, Kenneth Duremdes, Ali Peek, John Arigo, Brandon Cablay, Sonny Thoss, Willie Miller, Joe Devance, LA Tenorio, Cyrus Baguio, Dondon Hontiveros, Calvin Abueva, Jvee Casio ug Vic Manuel.

Parti pud sa history sa Aces ang career sa most-winningest PBA coach Time Cone nga maoy midala sa Aces sa tuig 1989 ngadto 2011.