SAYANG ang kahigayonan, kini ang sagad maingon sa pipila ka mga supporters ni presidential aspirant Ferdinand "Bongbong" Marcos Jr. sa di pag-apil niini sa mga debate, diin sa miaging adlaw, bugtong si BBM lamang ang wala sa gipahigayong first official Commission on Elections (Comelec) PiliPinas Debates alang sa mga presidential candidates.
"Perte kasayang, kay higayon na sab unta nga ang nag-alanganin pa kang BBM didto mahibal-an ang iyang katakos," sulti sa vegestable vendor sa Agdao Public Market Davao City nga si Lorna Escobillo.
Kini sab ang naingon sa usa ka traysikad drayber nga si Romeo Deogrades, diin ang wa kuno pag-apil niini BBM sa mga debate, makakuha kuno og puntos ngadto kaniya, apan, "makakuha og puntos, dako kaayo, pero daug naman siya ba, unsa pa ma'y debatehan."
Apan sa kampo ni BBM, suma niini, nga ang pagduol sa iyang mga tagasuporta ug pagpaminaw sa panginahanglan sa katawhan gikan sa lokal nga lebel pinaagi sa iyang campaign sorties maoy mas epektibong paagi, alang niya makigkomunikar ug maghisgot sa iyang mga plataporma kaysa makig-debate.
“Mas maganda para sa akin, sa kampanya ko na pumunta sa tao, na imbes nakikipag-away ako, nakikipag-debate ako, nakikinig ako sa tao at naririnig ko sa kanila kung anong hinaing nila, ano ‘yung pangamba nila sa darating na panahon. Lahat ‘yan, para sa akin mas mahalaga,” butyag ni Marcos sa interbyu kaniya sa DZRH.
Si Marcos nagtawag sa iyang kaugalingon nga usa ka "old school" o karaan, niingon nga ang direktang pagpangampanya ug pakigtagbo sa mga tawo atol sa sorties mas importante alang kaniya kaysa paglingkod sa usa ka lawak ug pagbinayloay og mga pulong sa iyang mga kaubang kandidato.
Matud pa usab niya nga usa sa mga rason nganong agresibo kaayo siya sa pagpakig-abot sa katawhan gumikan atrasado na ang UniTeam sa eskedyul sa kampanya niini.
“Mas importante ba magpunta, makipag-usap sa mga local leader, makipag-usap sa mga sectoral leader at sasabihin ano ang mga hinaing ninyo, anong pangamba ninyo, ano iniisip niyo, if that is more important than debate, I say yes to this," sulti ni Marcos sa usa ka buwag nga interbyu atol sa Kapihan sa Manila Bay.
Sayo niini, si Atty. Vic Rodriguez, chief of staff ug tigpamaba ni Marcos, nikompirmar nga ang Partido Federal ng Pilipinas standard-bearer dili motambong sa debate sa Comelec isip iyang pasalig sa mga tagasuporta sa UniTeam.
"We shall continue with our preferred mode of direct communication with the people and engage them in a more personal face to face interaction that discusses real issues that affect them today, tomorrow and in the days to come as this election is all about our collective future," ingon Rodriguez.