NAGPABILIN nga ubos kaayo ang risgo sa Pilipinas alang sa coronavirus disease (Covid-19) hangtod sa Marso 18, matod sa grupong Octa Research kaniadtong Dominggo, Marso 20, 2022.
Si Octa Research fellow Dr. Guido David niingon sa usa ka post sa Twitter nga ang nasud adunay average nga daily attack rate (Adar) nga 0.47 porsyento.
Giklasipikar usab sa ubos kaayo nga risgo mao ang Timor-Leste, Taiwan, Cambodia ug China, samtang ang Octa nagtaho sa pagsulbong sa mga kaso sa South Korea, Vietnam, China ug Laos.
Ang eksperto sa mananakod nga sakit nga si Dr. Edsel Salvana, sa usa ka public briefing sa Laging Handa Lunes, Marso 21, niingon nga kini nga mga pagsaka sa mga kaso sa Covid-19 sa ubang mga nasud mahimo usab nga mahitabo sa Pilipinas.
“There is always a possibility for the Philippines to experience another spike in cases, just like what happened in other countries,” matod niya.
Aron malikayan ang laing pagdagsang, iyang gitambagan ang publiko nga ipadayon ang pag-obserbar sa minimum nga health protocols, sama sa pagsul-ob og face mask ug pagmintinar sa social distancing.
Gihatagan usab niya og gibug-aton ang kamahinungdanon sa pagbakuna sa Covid-19 isip dugang nga proteksyon batok sa Covid-19.
Matod niya nga dili na kinahanglan nga mag-isyu pa og travel ban human sa pagkuyanap sa sakit sa South Korea, Vietnam, China ug Laos, kay igo na ang mga lakang nga gipatuman sa gobyerno.
“We will continue the pre-departure testing especially in countries where there is a surge in cases,” matod ni Salvana.
Sa National Capital Region (NCR), giingon sa Octa nga ang pito ka adlaw nga average sa mga bag-ong kaso sa rehiyon, ingon man ang Adar, adunay upat ka porsyento nga pagkunhod kon itandi sa 23 porsyento nga pagkunhod nga natala sa miaging semana (Marso 14).
Ang gidaghanon sa pagsanay sa mga kaso ningsaka gikan sa 0.26 ngadto sa 0.38, dugang ni David.
Siya niingon nga ang NCR nagpabilin sa ubos nga risgo “apan duol kaayo sa labing ubos nga risgo” alang sa Covid-19. Ang gidaghanon sa mga bag-ong kaso, bisan pa, tan-awon nga flat.
“Positivity rate decreased to 2.5 percent from 2.8 percent,” matod niya.