GIAPRUBAHAN sa Philippine Basketball Association (PBA) Board ang pagsalmot sa Bay Area Dragons isip guest team sa 47th season, posible sa Governors Cup dungan sa pagpahigayon sa 2022 East Asia Super League.
Ang Dragons langkuban og free agent players gikan sa Mainland China, Hong Kong, Macau, ug Chinese Taipei unya aduna sab kini duha ka imports sa pagduwa niini sa PBA ug EASL.
Ang Dragons, nga nagbasi sa Hong Kong, nipasalig nga moporma og lig-ong puwersa nga makahatag og saktong kombati sa PBA teams.
Gipasabot ni PBA commissioner Willie Marcial nga bisan guest team lang ang Dragons, puwede kining mahimong kampyon sa komperensya.
“Yes. Same system, same format, and they can become champions in the Governors Cup,” pasabot ni Marcial.