Mga duwa karon
3:00 pm- Magnolia batok Meralco
6:00 pm- Ginebra batok NLEX
Sugdan karong adlawa ang duha ka mga best-of-five semi-final series sa Philippine Basketball Association (PBA) Governor’s Cup sa SM Mall of Asia Arena sa Pasay City.
Sa premirong duwa, magsangka ang No. 1 team Magnolia Ang Pambansang Manok Hotshots ug Meralco Bolts sugod karong alas 3:00 sa hapon samtang magkombati sa main game ang defending champions Bgry. Ginebra Gin Kings ug NLEX Road Warriors karong alas 6:00 sa gabii.
Ang panagparang sa duha ka mga beterano ug dekalidad nga coaches nga sila si Tim Cone sa Gin Kings ug Yeng Guiao sa Road Warriors gilaumang mokawat og dakong atensyon sa semis round.
“I get to go against Yeng Guiao, which is never fun... never, ever, ever fun. You never look forward to that,” matod ni Cone, kinsa niagak sa Gin Kings aron pakagingon ang twice-to-beat nga TNT Tropang Giga sa quarter-finals.
Sa iyang bahin, giangkon ni Guiao nga grabe ka inilog ang Gin Kings apan andam silang mosagubang ning malisod nga tahas.
“We focus on our improvement, our progress. We don’t want to focus on Ginebra because the more you worry about them, the more pressure it is for us,” asoy ni Guiao.
Sa laing bahin, gilaumang sikit ug kulbahinam ang panag-engkuwentro sa Hotshots ug Bolts. /