NAGMINGHOY na sud sa selda ang usa ka giingong illegal recruiter ug number 1 most wanted person sa Criminal Investigation and Detection Group (CIDG)-Davao human kini nasikop sa awtoridad, Marso 21, 2022.
Human nakadawat og impormasyon ang awtoridad sa nahimutangan sa suspek nga si alyas Karen, 36-anyos nga taga Camella Homes, Barangay Commmunal, Davao City, gilayon nilang giadtoan ang suspek didto sa Sta. Ana Leon Guerrero St., Barangay 8-C, siyudad sa Davao.
Usa ka hiniusang puwersa sa operasyon ang gihimo sa CIDG-Davao ug Davao City Police Office.
Sumala sa report, ang warrant of arrest giisyu ni Judge Raul V. Babaran sa Regional Trial Court Branch 19 sa Cauayan City, Isabela diin asa niya nahimo ang salaud.
Temporaryo nga gikustodiya ang suspek sa kapulisan kinsa naghulat na sa sunod mando sa korte labot sa kaso niini.