ANG mosunod nga Q and A maoy tipik ug kabahin sa mga halandumong tubag ni Super Bobby Nalzaro atol sa intimate interview niya namong mga sakup sa entertainment press sud sa duha ka mga higayon (November 2012 ug July 2019). Hinaot makahatag nig gamayng alibyo sa gibating kamingaw sa liboan ka mga nag-idolo niya ning iyang pagpanaw, dili lang sakup sa media, apan isip maayong higala sa masa. Pahulay sa kalinaw, Super Bob!
Unsay mas effective nga news anchoring maglingkod o magtindog?
Kana gung ingon ana ba, pang-icing na lang na siya. Ke maglingkod o magtindog, ang atong tutukan ang over-all production ug news presentation: the content of the program itself. Bisag magtuwad pa na diha wa gyud nay labot. But I’m more comfortable with standing kay makabuwelo ta’g maayo.
Unsay sikreto nga happy ug smiling man kanunay si Super Bob?
Graceful lang ta moda og problema. Kay kon nagpaapekto pa ko sa akong problema dili na mo kadungog nako. Magsugod gud ko every six in the morning. In fact, wa pa ko ka-avail sa akong leave matapos na lang ang tuig. Kinahanglan man gud og consistency ning trabahoa.
Ngano daw pirme naka all-white si Super Bob?
Ganahan lang ko. Maorag comfortable and then maorag mo-stand out ka sa grupo ba. Ang akong mahinumduman si Baby Dalupan kadtong coach sa Crispa nakaputi sad to siya. Kato si Bubby Dacer bag-o ra to nakaila gani. Nag-start kog sul-ob og puti mga 20 years pa siguro. Ah no, I started it in Bombo so 22 years na ko sa RGMA, so maybe 25 years na.
Asa’y dakog income: sa radyo o TV?
Sa radyo, regular ko. Aside from being an anchor gihatagan sad tag position diha. Sa TV, contractual ra ko. Income-wise, naa man pud koy mga privilege sa radio... kana akong mga endorsement. So, dako ko sa radyo. Pero kadtong tsismis nga P5 million kuno akong contract sa GMA dako ra kaayo na for two years. Dili na tinuod.
Sooner or later, you will reach the mandatory age of retirement. Unsay ma-expect sa imong fans kon moabot na nang panahona?
I’ve been in this profession for 39 years. I started my broadcasting career in Zamboanga city way back in 1980. I transferred to Cebu in 1987. I was with Bombo Radyo for 10 years and then RGMA took me in when they relaunched the AM station dySS. Panahon to nila Bobby Barreiro and (former GMA president) Menardo Jimenez, Sr. I was lucky enough nga akoy gikuha nila as solo anchor for Balitang Bisdak. Now, what will happen kon moabot na ang tukmang panahon? You know, as a newscaster I’m just a talent. This is only a privilege. Anytime they can terminate my contract. But sa radio I’m regular. Hangtod nga makatabi pa siguro ko ug dili pa ta ulyanin. Pero bisan dili pa ta moabot sa retirement age which is 65 sa RGMA but if the management will tell me that, “based on survey wa na kay ratings, wa nay naminaw nimo, so please kutob ka na lang diha...” We are good as our last broadcast so to speak. Mao na’y klaro.
Wala kay plano sa pulitika?
Kanindot ning akong trabaho nga ako’y mamantay kay sa ako’y bantayan. Mahadlok sad ko ma-swallow sa system. You know, politics, you have to play the game. Unya, naa ta sa radyo, advocating against graft and corruption. Pag naa na ta sa politics, lisud man nang magpasantos-santos ka diha. Although I’m not closing the door, but as of this time, no plans for politics. I’m also doing public services like any other politicians for that matter.
Kinsay imong nakit-an nga posibleng maoy mosunod sa imong tunob?
Maora man tag Ginuo ana nga mohatag og bendisyon. Dili man ko mo-compare sa akong kaugalingon sa uban. Bobby Nalzaro is Bobby Nalzaro. Sa mga bag-ong sulbong, dunay mga potential diha. Siguro moabot ang panahon nga sila na sad, and I’ll just fade away.
Ngano kaha kining mga naa nagtrabaho sa media maoy sagad masakit og high blood ug diabetic?
I think it’s just a matter of lifestyle lang. Sa ako lang ha, pagka-11:30 o labing taas nako 12 midnight, mouli gyud ko bisag kinsa pa na akong kuyog. Unless kon Sabado night kay wa man koy trabaho ana pagkasunod adlaw. Kanang inom-inom normal ra man na basta moderate lang. Pero kanang kaon hinuon abunda-abunda ko gamay. Exercise lang gyud. But you know, bisan pag physically fit ka kon moabot na gyud ang panahon. Daghan bitaw uban diha di ta mag-expect, “uy maayo to siyag lawas, exercise man to siya,” patay gihapon.
How do you want to be remembered?
Well, I don’t know if I’ll still be remembered. Once you are dead, you are dead. But just in case, I want to be remembered, that once upon a time, there was a Bobby Nalzaro in Cebu’s tri-media industry, that touched the lives of the Cebuanos.