Marcial mobalik og away karong Abril 9 sa Vegas

MOBALIK og away sa professional rank si Filipino Olympian Eumir Marcial karong Abril 9, 2022 batok kang Isiah Hart sa usa ka six-round middleweight bout sa The Theatre sa Virgin Hotels, Las Vegas.

Mao kini ang labing unang higayon nga moaway sa Las Vegas si Marcial, kinsa usa ka bronze medalist sa Tokyo Olympics sa miaging tuig.

Nagkanayon si Marcial nga nagpanikad na siyang mobalik og away isip usa ka professional fighter hilabi na nga sa Las Vegas ipahigayon ang away.

Si Marcial nabunyagan sa professional rank niadtong Disyembre 16, 2020 sa Los Angeles diin midaog siya pinaagi sa desisyon batok kang Andrew Whitfield.