Sun Savings Bank naka loan og P200M sa DBP aron pagtabang sa mga magtutudlo pagtukod og balik sa balay

PARTNERSHIP.Mga namirma sa loan agreement tali sa Sun Savings Bank ug Development Bank of the Philippines (DBP) sa Casino Español de Cebu sa Cebu City, Huwebes, Marso 24, 2022 sila si (naglingkod gikan sa wala) Augusto Gonzalez, executive vice president ug treasurer, Sun Savings Bangk; Francisco Dizon, presidente ug chief executive officer, Sun Savings Bank; Marissa Anino, bise presidente, pangulo sa Visayas Lending Group, DBP; ug Dan Clever Gigantone, senior manager ug pangulo sa Cebu South Lending Center, DBP. (Kenneth Dwight Torres)
PARTNERSHIP.Mga namirma sa loan agreement tali sa Sun Savings Bank ug Development Bank of the Philippines (DBP) sa Casino Español de Cebu sa Cebu City, Huwebes, Marso 24, 2022 sila si (naglingkod gikan sa wala) Augusto Gonzalez, executive vice president ug treasurer, Sun Savings Bangk; Francisco Dizon, presidente ug chief executive officer, Sun Savings Bank; Marissa Anino, bise presidente, pangulo sa Visayas Lending Group, DBP; ug Dan Clever Gigantone, senior manager ug pangulo sa Cebu South Lending Center, DBP. (Kenneth Dwight Torres)

Nakakuha ang Sun Savings Bank og P200 milyones nga loan facility gikan sa Development Bank of the Philippines (DBP) nga gipadagan sa kagamhanan aron matabangan ang mga magtutudlo sa publikong mga eskwelahan sa Probinsya sa Sugbo ilabina sa pagtukod og balik sa ilang mga panimalay nga naigo sa Bagyong Odette (Rai) niadtong Disyembre 2021.

“There is a huge demand now to fix up their homes, and we want to support that effort because we believe that the teachers deserve decent housing... Also there are other needs, like tuition fees for their children and medical expenses. But I’d say 90 percent of their needs are for housing construction, repair and renovation,” matod ni Sun Savings president ug chief executive officer Francisco Dizon atol sa Loan Signing Ceremony tali sa Sun Savings Bank ug DBP sa Huwebes, Marso 24, 2022.

Si Dizon niingon nga ang Department of Education (DepEd) nimando sa mga bangko sa paglugway sa mga pautang sa mga magtutudlo sulod sa lima ka tuig gikan sa tulo ka tuig nga timeline.

“The implication for this is that teachers can borrow as much as P750,000 to P800,000 compared to P500,000 before and still pay the same monthly amortization,”matod ni Dizon. “In terms of cash flow, they can borrow more without having to put up more money on a monthly basis. This is made possible because of the longer repayment terms from three to five years.”

Ang magtutudlo nga moaplay og loan nga nagkantidad og P800,000 mobayad og binuwan nga amortization nga P15,000.

Sa miaging tuig, giumentuhan sa kagamhanan ang suweldo sa mga magtutudlo sa publikong mga eskwelahan suma sa gimando sa Republic Act 11466 o Salary Standardization Law of 2019.

Ang mga usbaw gitakda sa upat ka tranches gikan sa 2020 hangtod 2023 ug kini sa matag salary grade (SG) ug katumbas sa posisyon.

Ang suweldo sa Teacher I (SG 11), pananglitan, giusbawan ngadto sa P22,316 sa 2020 ug unya ngadto sa P23,877 sa 2021.

Ang ilang suweldo dugangan pa ngadto sa P25,439 sa 2022 ug unya ngadto sa P27,000 sa 2023.

Matod ni Dizon, ang Sun Savings maoy nag-una sa pagserbisyo niini nga market segment ug nagtanyag sa mga magtutudlo niining gipalapdan nga loan term nga hangtod sa lima ka tuig sugod karong buwana.

“The demand has been super strong. If there is such a thing as a storm surge, then this is it, as far as teachers’ loans are concerned,” Dizon said. “We are releasing at levels we have never seen before, really huge amounts simply because they really need the funds to fix their dwelling.”

Ang kuwarta nga hinuwaman sa mga magtutudlo kuhaon sa DepEd sa ilang payslips pinaagi sa automatic payroll deduction system sa departamento, diin ang Sun Savings Bank maoy usa sa mga accredited nga bangko sulod na sa kapin sa 10 ka tuig.

Si Augusto Gonzalez, treasurer sa Sun Savings Bank, niingon nga ang bangko mobayad sa DBP sulod sa tulo ka tuig uban sa loan interest nga bayran kada quarterly ug ang principal loan amount nga bayronon sa katapusan sa termino.

Sukad niadtong Marso 1, ang Sun Savings nakapahulam na sa 2,000 ka mga magtutudlo sa Probinsiya sa Sugbo.

Ang bangko dunay dul-an sa 10,000 sa 40,000 ka mga magtutudlo sa lalawigan isip mga kliyente niini, nga naghimo niini nga ikatulo nga labing dako nga tigpahuwam sa mga magtutudlo sa publikong eskwelahan sa Sugbo. (KOC)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph