Sa nakalabay nga 20 ka adlaw, ang Ginebra Kings naningkamot nga maka-survive alang sa elimination round apan sa kalit lang sila nanuktok na para sa PBA Governors Cup Finals.
Ang Gin Kings adunay 2-0 nga bintaha batok sa NLEX Road Warriors sa ilang kaugalingong semifinals ug usa na lay gikinahanglan nga daog aron ilang maangkon ang usa ka lingkuranan sa finals.
“We have to come back and see if we can bring the same performance on Sunday. Our job is not yet done,” padayag ni Ginebra coach Tim Cone human sila nidaog, 104-94, sa game 2.
Niadtong Marso 6, ang Ginebra nagkinahanglan pa sa beteranong si Jeff Chan kinsa tagsa ra gigamit sa team aron pildehon ang Rain or Shine, 104-93, nga maoy sinugdanan sa pagsaka sa Kings sa quarterfinals.
Si Cone dili mokumpyansa bisan kon anaa na sa iyang team ang momentum sanglit iyang gihulagway nga kon adunay team nga mobangon gikan sa 0-2, mao kini ang kuponan ni Coach Yeng Guiao.
“I know it’s possible [to come back from a 0-2 deficit and with [NLEX coach] Yeng [Guiao’s] teams, it always seems probable. They’re always a team that’s going to come back. There’s no doubt,” dugang ni Cone.
“So we’re just going to take Sunday as one game we’d prepare for. We’ll try to meet their intensity as we go, the same thing we did tonight. We’re not going to change our approach,” litaniya sa American coach.
Niadtong Biyernes, ang Ginebra nihimo og committee aron mahulipan ang padayon nga pag-absent sa ilang star nga si Japeth Aguilar gumikan sa injury.
“I think that’s really the key to it all. We talked about the fact that nobody’s gonna be able to replace Japeth by themselves. [Winning] was going to take a collective effort,” batbat sa winningest coach sa PBA.
Kon modaog ang Ginebra sa ilang duwa karon, maghuwat sila sa modaog sa laing semis tali sa Magnolia ug Meralco. (pba.ph)