MISULBONG si Barangay Ginebra Gin Kings guard Scottie Thompson isip top contender sa inilugay sa Best Player of the Conference award sa Philippine Basketball Association (PBA) Governor’s Cup.
Kini gumikan sa iyang all-around brilliance nga naghatod sa defending chgampions ngadto sa semifinals series sa komperensya.
Si Thompson igo lang untang nahimutang sa ikaunom nga dapit human sa elimination round apan sa gipakita niyang duwa pagsugod sa quarter-finals, hayan kalit misaka ang iyang ranking.
Nahiluna na siya sa ikaduhang dapit sa BPC race pinaagi sa iyang 36.1 average statistical points (SPs) nga gibahin sa 13.9 points, 9.9 rebounds, 6.4 assists, ug 1.3 steals averages.
Ang pambato sa NorthPort Batang Pier nga si Robert Bolick, kinsa maoy nangulo sa liga sa scoring (21.8), assists (8.8) ug steals (2.2) human sa eliminasyon, nagpabiling nag-una sa BPC race pinaagi sa iyang 39.9 SPs.
Apan gumikan kay wala nakasulod sa playoffs ang Batang Pier, hayan gilaumang modakin-as paubos ang poruhan ni Bolick nga makuha ang BPC award ug mailugan siyag luna ni Thomspon.
Naa sa ikatulo sa BPC race mao si Phoenix Super LPG Fuel Masters forward Matthew Wright (33.6 SPs), ikatulo si NorthPort forward Arwind Santos (33.5 SPs), ug ikalima si TNT Tropang Giga super rookie Mikey Williams (32.6 SPs).