UBOS sa paggiya sa beteranong trainer sa Sugbo nga si Brix Flores, naangkon sa Filipina boxer Norj Guro ang World Boxing Council (WBC) atomweight silver title pinaagi sa split decision nga kadaugan batok kang Denise Castle sa Bournemouth, Dorset niadtong Marso 26, 2022 sa Habtoor Grand Hotel sa Dubai.
Si Flores, kinsa nakagiya na og ubay-ubay nga world champions, mapasigarbuon nga naagak niya si Guro sa kalampusan.
Maihap lang seguro ang nagtuo nga molampos si Guro gumikan kay mao pa lang kini ang labing una niyang pagbalik og away human sa upat ka mga tuig nga pag-undang sa boksing.
Midaog si Guro sa duha ka judges, 77-75, 78-74, samtang napilde siya sa usa, 76-77.