WALA gyod batia'g kalaay ang mga estudyante gikan sa Kindergarten hangtud sa Grade 3 sa Southern Davao Elementary School sa Panabo City sa ilang unang adlaw sa face-to-face classes gumikan usa ka pinasahe ang gihimo sa mga magtutudlo.

Mora'g Disneyland ang Southern Davao Elementary School diin dunay mga pipila ka mga karakter sa Disneyland ang milingaw sa kabataan sama sa usa ka Disney Princess nga nanghatag og mga balloons ug mga school supplies.

Mitugtug sab ang Anajao Band aron nga mas mahimong bibo ang opening sa ilang F2F classes.

Sumala sa Department of Education (DepEd) Davao del Norte Division, abli na ang tanang 39 ka mga public schools sa siyudad alang sa limited face-to-face classes human sa halos duha ka tuig nga pagsirado tungod sa pandemya.