Angol ang chairman sa Sangguniang Kabataan (SK) sa Barangay Mogpok Norte, Sandingan Island, lungsod sa Loon, Probinsiya sa Bohol tungod sa panagbangga sa traysikol pasado alas 11:10 sa buntag sa Miyerkules, Marso 30, 2022 sa Calayugan Norte.
Angol usab ang batang lalaki nga anak sa drayber sa traysikol nga nabanggaan sa SK chairman.
Si Police Senior Master Sergeant Ranie Damos, traffic investigator sa Loon Police Station, niila sa SK chairman nga si Reygel Vincent Otida, hingkud, samtang ang drayber sa traysikol nga nabanggaan giilang si Jerome Tokmo Perpenosas, lumolupyo sa Barangay Kauswagan, sakop sa lungsod sa Catigbian, Bohol.
Matud ni Damos, nagsugat ang duha ka mga motorsiklo nga gimaneho apan pag-abot na sa nahisgutang lugar, nagkabangga ang duha.
Ang SK chairman nakaangkon og gisi sa agtang ug gidala sa tambalanan, samtang ang anak ni Perpenosas nga si John Carlo, hingkud, samaran usab.
Susihon sa Loon Police Station kon mopasaka ba og kaso ang drayber nga nabanggaan ni Otida.