Nagbalik lantaw si World Boxing Association (WBA) welterweight champion Cuban Yordenis Ugas sa iyang kasinatian sa pagpakigbatok kang Filipino boxing legend Manny Pacquiao.
Matod ni Ugas nga human niya nailog ang WBA title gikan sa Pambansang Kamao ng Pilipinas pinaagi sa surpresang unanimous decision nga kadaugan, dako ang nausab sa iyang kinabuhi.
Apan ang labing mahinungdanon alang ni Ugas mao ang kadasig nga iyang nahakot sa pagpakigbatok kang Pacquiao nga iyang magamit sa sunod niyang tahas.
Si Ugas makigbatok kang World Boxing Council (WBC) ug International Boxing Federation (IBF) welterweight king American Errol Spence Jr. karong Abril 16, 2022 sa Arlington, USA.
“I was the underdog against Pacquiao and now again against Spence. I’ve always been the underdog and it doesn’t faze me,” matod ni Ugas nga napatik sa www.boxingscene.com.