Ang Meralco Bolts ug Barangay Ginebra maoy magtigi sa finals sa PBA Governors’ Cup Finals. Kini ikaupat nga higayon.
Ang Bolts nipilde sa Magnolia, 94-81, sa ilang deciding game 5 sa Biyernes sa gabii, Abril 2, sa Smart-Araneta Coliseum aron ikasakbang ang ilang numero unong kaaway.
Ikaupat na kini nilang sangka sa finals apan wa pa makadaug ang Bolts batok sa Ginebra sa ilang tulo ka nakalabay nga sangka.
Si Allein Maliksi mao ang nangu sa Meralco sa iyang 24 puntos nga nipasud sa unom sa walo ka itsa sa tres alang sa Bolts.
Giabagan usab siya nila ni Raymon Almazan ug Aaron Black.
Una kining higayon ni Black nga makaduwa sa finals batok sa Barangay Ginebra.
Apan nasayod siya sa ka sakit nga gibati sa Bolts tungod kay head coach ang iyang amahan nga si Norman Black.
Wa siya malimot dihang gipilde sila sa Ginebra sa iyang rookie year sa 2020 PBA semifinal bubble human sa three-pointer ni Scottie Thompson.
“It’s tough. Meralco has had a lot of tough series and tough moments with Ginebra. It was tough. That was my rookie year in the bubble and to go home like that,” matod ni Black sa interbyu sa spin.ph.
Batok sa Magnolia, si Black nipuntos og 12 sa iyang 16 puntos sa unang half sa duwa.
Iyang paninguhaon nga makatampo siya sa kadaugan batok sa Magnolia.
“It’s tough. Meralco has had a lot of tough series and tough moments with Ginebra. It was tough. That was my rookie year in the bubble and to go home like that,” dugang sa 25 anyos nga Black.
Ang unang duwa ipahigayon sa Miyerkules, Abril 6.