Libuan ka mga tawo ang nanambong sa rally sa Bando Osmeña Pundok Kauswagan (BOPK) sa Cebu City Sports Center (CCSC) niadtong Sabado, Abril 2, 2022.
Ang rally gipangulohan ni Margarita ‘Margot’ Osmeña, kandidato sa BOPK sa pagka mayor sa dakbayan sa Sugbo, ug Senate Presidente Vicente ‘Tito’ Sotto III, kandidato sa pagka bise presidente sa nasod.
Ang ilang kalihokan nagsugod sa alas 2:00 sa hapon pinaagi sa usa ka santos nga misa.
Sa pagka alas 5:00 sa hapon, ang nanambong sa rally niabot na og nuybe mil, matod ni Kevin Paz, BOPK rally organizer nga nahinabi sa SunStar Cebu.
Sa paglikay sa panagduot o posibling stampede, ang mga sakop sa Cebu City Police Office (CCPO) nagdili sa mga menor de edad sa pagsulod sa CCSC atol sa rally.
Sa sayo pa, gipatuman ang minimum height requirement nga four feet sa mga motambong sa rally.
“If they can prove they are adult but do not meet the height requirement, we will allow them to enter but they will be confine to an area where they will be safe,” matod ni Lt. Col. Wilbert Parila, deputy director for operations sa CCPO.
Gawas sa mga kandidato sa BOPK ug ni Sen. Sotto, ang long-running noontime show sa telebisyon nga “Eat Bulaga” nilingaw sa mga tawo ngaa namabong sa rally sa BOPK. (SunStar Cebu)