MAGLIVE-IN partner ang nasikop sa gihimo'ng pagpang-ronda sa kapulisan pasado alas 2 sa kadlawon sa Lunes, April 4, 2022 didto sa Barangay Mabolo, siyudad sa Sugbo.
Si Captain Roy Rondina sa Police Drug Enforcement Group-Central Visayas (PDEG 7) nga maoy nangu sa gihimong pagpangronda niila sa suspetsado nga sila si Carlden Englatera, 30 anyos, usa ka habal-habal driver ug ang kapuyo niini nga si Celeste Basiga, 40 anyos, usa ka hairdresser, pulos molupyo sa Barangay Tabok, siyudad sa Mandaue.
Nasakmit gikan sa duroha ang gituohan'g shabu nga mokantidad sa P68 mil subay sa street value.
Ang kapulisan mipahigayon og buy-bust operation batok sa duroha human nila mahibaw-i pinaagi sa cellular phone sa usa sa ilang dinakpan nga adunay mensahe kalabot sa ilang ilegal nga kalihukan sa druga. (BBT, TPT)