MOKANTIDAD sa P170,000 sa gituohang shabu ug pusil ang nasakmit sa kapulisan gikan sa tulo ka mga gituohang drug pusher sa area of responsibility (AOR) sa Sta. Ana Police Station atol sa ilang gikasa nga buy-bust operation Abril 3, 2022, didto sa Barangay San Antonio, Agdao District, Davao City.

Motimbang sa 10 gramos ang nasakmit sa kapulisan gikan sa posisyon sa tulo nga sila alyas Lino, 38, ug ang mga kauban niini nga sila alyas Tomtom, 41, ug alyas Neth, 46, pulos nagpuyo sa Barangay San Antonio.

Atol sa operasyon, ang nagtakuban nga pulis mipalit og shabu, diin sa pagdawat sa marked money, gilayong giposasan ang target lakip na ang mga kaubanan niini.

Mga pakite sa gituohang shabu ug usa ka .38 calibre sa pusil nga dunay tulo ka mga buhing bala ang narekober gikan sa posisyon sa mga dinakpan.

Gipasakaan na og kaso ang mga nahisgutan didto sa korte.