GIPANGULOHAN sa mga sakop sa defending champions Brgy. Ginebra Gin Kings nga sila si Scottie Thomspon ug import Justine Brownlee ang mga kandidato alang sa individual awards sa Philippine Basketball Association (PBA) Governor’s Cup.
Si Thompson maoy nag-una alang sa inilugay sa Best Player of the Conference award samtang si Brownlee gilaumang modaog sa iyang ikaduhang Best Import trophy.
Kini human nila nahatod pagbalik sa best-of-seven championship series ang Gin Kings.
Human sa semi-finals, si Thompson nahiluna sa ikaduhang puwesto sa statistical points.
Nakarehistro siya og 35 average SPs gikan sa iyang natali nga 13.5 puntos, 9.6 rebounds, ug 6.0 assists matag duwa.
Sa kasamtangan, nag-una si NorthPort Batang Pier guard Robert Bolick sa SPs pinaagi sa iyang average nga 39.9.
Apan gilaumang maapsan ni Thompson si Bolick inig human sa finals diin ikaharong sa Gin Kings ang Meralco Bolts sugod ugma, Abril 6, 2022.
Sa iyang bahin, si Brownlee mibiya sa iyang mga kompetensya pinaagi sa iyang average nga 53.7 SPs gikan sa iyang napupo nga 30.3 puntos, 11.2 rebounds, ug 5.4 assists matag duwa.
Ang mga kompetensya ni Brownlee mao sila si Mike Harris sa Magnolia Ang Pambansang Manok Hotshots (49.2 SPs) ug Meralco import Tony Bishop (47.5 SPs).