KAGAHAPON, Abril 4, nakahigayon ang actress – TV host Heart Evangelista sa pagduaw sa Dakbayan sa Sugbo aron pag-abag sa iyang bana nga si Sorsogon Governor Chiz Escudero sa pagpangampaniya niini kinsa magpapili pagka senador.
Giuna og rampa ni Heart ang Carbon Public Market uban ni Cebu City mayoral aspirant Margot Osmeña ug Mary Ann delos Santos, nagpapili pagka-konsehal sa Cebu City North District.
Gawas sa hand shaking ug selfie, nakahigayon si Heart og palit sa usa ka sari-sari store sa iyang paborito nga junk food, ang Regent Sweet Corn.
“Itabi ko to (junk food) for Saturday, cause it’s my cheat day,” matod pa sa celebrity atol sa press conference sa Golden Prince Hotel, dalan Acacia, Cebu City.
Atol sa press conference, gitug-an ni Heart nga sa ka-busy sa iyang bana, wa kini nikuyog sa campaign sortie sa Cebu City.
Matod ni Heart, dili kini niya maoy unang higayon nga niduaw sa Sugbo tungod kay sa bata pa siya samtang nagsugod pa lang sa showbiz, nagbalikbalik na siya sa Cebu alang sa mall shows.
“I love Cebu, I love lechon kaya naka-water cleanse ako today. Tulala.
“I love Cebu its very very special to me, I’m so happy to be here,” sey pa sa aktres.
Giklaro ni Heart nga bisan pa og aduna pay nahibiling termino si Chiz sa lalawigan sa Sorsogon apan buot niya nga hatagan ang ubang gobernatorial aspirant nga makadumala sa pangagamhanan.
“I think Chiz would always say give chance to others, so, nakita ko talaga na napagod talaga siya dun.
“I’m very very proud of him that he has done so much. Like the Sorsogon sa infrastructure, like sa hospital... lahat by promoting Sorsogon.
“But I think you know its time for him also to again, make way other people to also excel as governor,” pasabot ni Heart.