DCPO mihakot mga pasidungog

DAVAO. Ang hulagway atol sa seremonya sa Police Regional Office-Davao. (DCPO photo)
DAVAO. Ang hulagway atol sa seremonya sa Police Regional Office-Davao. (DCPO photo)

USA ka dakong garbo sa tibuok han-ay sa Davao City Police Office human ilang nakuha ang mga major awards nga kabahin sa 2022 National Women’s Month celebration, Abril 4, 2022, didto sa Police Regional Office-Davao sa Camp Sergeant Quintin M. Merecido, Buhangin, Davao City.

Mga pasidungog gitunol mismo ni Police Brigadier General Edgar Allan Okubo, ang Deputy Regional Director for Administration (DRDA) atol sa flag-raising ceremony niadtong Lunes.

Ang DCPO mibitbit sa Best Women and Children's Protection Desk (WCPD) Unit sa City Police Office/Police Provincial Office category sa region-wide ug nabutang nga first runner-up sa Investigator's Olympics nga usa sa mga kabahin sa aktibidad sa Women's Month celebration.

Tungod sa maong pasidungog, dako kaayo ang pasalamat sa kinatibuk-ang DCPO diin ang Acting City Director Police Colonel Alberto Lupaz mipadayag og pagpasalamat.

Si Lupaz mipahayag sa iyang kinasingkasing nga pagpasalamat sa tanang WCPD personnel sa DCPO alang sa ilang maayong mga performance nga natampo isip resulta sa ilang malampuson nga operational ug administrative accomplishments.

Dugang sa opisyal nga iya usab nga gidayeg ang team sa DCPO sa paghatag sa ilang labing maayo aron ipasiugda ang ilang katakus sa pagdumala sa pagproseso sa eksena sa krimen ug imbestigasyon nga naglambigit sa gender-based nga mga violence atol sa Investigator's Olympics niadtong Marso 28, 2022 sa PRO-Davao.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph