Gipahimangnuan ni Philippine Basketball Association (PBA) ang uban nilang miyembrong teams nga mangandam og insakto batok sa labing bag-ong sakop sa liga nga mao ang Converge ICT Solutions Fiber Xers.
“Kabahan sila dito sa Converge,” matod ni PBA Commissioner Willie Marcial nga napatik sa www.abs-cbnnews.com.
Ang Converge maoy nakapalit sa prankisa sa Alaska, nga nakadesisyon sa miaging buwan nga manamilit human sa 34 ka mga tuig nga pagduwa sa labing unang professional nga liga sa Asya.
Sa ilang pagpalit sa prankisa sa Alaska, nasawo sab sa Converge ang kontrata sa mga magduduwa ug coaching staff sa team.
Apan gitataw sa bag-ong management nga gipangulohan ni kanhi PBA commissioner Chito Salud nga mohimo sila og dakong lakang aron makakombati sila og insakto sa pagsugod sa ilang kampanya.