P200M illegal drugs nasakmit

GIPASIGARBO sa Police Regional Office (PRO 7) ang ilang kalampusan sa kampanya batok sa illegal nga drugas.

Sulod lang sa duha ka buwan, ang Bisdak Cops sa pagpangulo sa hepe niini nga si Police Brigadier General Roque Eduardo Vega, nakasakmit og mobalor og kapin sa P200 milyunes, diin sila nakalusad og 445 ka anti drug operations gikan sa Enero 2022 hangtod sa Marso 31, 2022.

Nakasakmit og 29.5 ka kilo sa gituohang shabu nga mokantidad og P201,233,760 ug moabot sa 8,113 ka drug personalities ang nangadakpan ug napasakaan og kaso ngadto sa korte. Lakip sa ilang nasakmit ang kapin sa duha ka kilong mga pinaugang marijuana nga mobalor og P303,372 ug duha usab tawo ang nakalas sa mga nalambigit niini.

Nakalusad sila og 1,949 ka operations batok sa wanted persons nga niresulta sa pagkasikop sa 337 ka labing pinangita sa balaod nga nag-atubang og lainlaing matang sa kaso sa korte ug 1,731 ka laing wanted persons nga nadakpan.

Sa mga most wanted person nga nadakpan, 21 niini gi-classify nga regional level, 24 ang provincial level, 101 municipal, 162 ang city level samtang 29 ang police station level.

Sa kampanya batok sa illegal gambling, nakalusad silag 1,653 ka operations, 4,077 ka tawo ang nadakpan, diin moabot sa dul-an P500,000 nga kwarta ang ilang nasakmit.

Nag-una sa illegal nga sugal nga ilang nadakpan mao ang illegal numbers game sama sa Swertres. Gisundan kini sa tigbakay ug baraha. Nakaimbargo usab ang kapulisan og 612 ka armas nga walay lisensya ug lima ka eksplosibo, diin 559 ang nadakpan sa 293 ka operations batok loose firearms.

“PRO7 is on the watch 24/7 due to the upcoming elections. We appeal to the public to help us maintain the peaceful and orderly Central Visayas, especially as the campaign season intensifies,” matod ni Vega.

Giawhag pa ni Vega ang iyang mga sakop nga hingusgan pa nila ang ilang kampanya batok sa loose firearms ilabi na nga usa ka buwan na lang eleksyon na.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph