Usa ka motorsiklo ug taxi nagbangga sa dan Katipunan, Barangay Labangon, siyudad sa Sugbo, pasado alas 2:00 sa kaadlawon sa Sabado, Abril 10, 2022.
Si Police Staff Sergeant Stephen Sefuesca sa Labangon Police Station, kinsa maoy nag-imbestigar sa maong kaso, niila sa drayber sa taxi nga si Angelito Garsila, 49, taga Mahayahay, Bankal, dakbayan sa Lapu-Lapu ug ang drayber sa motorsiklo nga si Ariel Ringaya, 26, ug taga lungsod sa Minglanilla.
Matod ni Sefuesc, ang duha nga nagkabangga pulos mga sayop tungod sa ilang plastada sa dihang nagkabangga.
Ang duha ka habig nagkasinabot nga wala mokiha ug sila ang moabaga sa danyos sa ilang tagsatagsa ka sakyanan.
Nasayran nga ang motorsiklo gikan sa Barangay Tisa, samtang ang taxi gikan usab sa samang barangay apan sa iyang paghunong sa Katipunan St. eskina sa A. Lopez, ang taxi drayber ni-u-turn aron mobalhin sa pikas lane.
Tungod sa kakusog sa dagan sa motorsiklo, niresulta kini sa pagkabangga didto sa taxi.
Ang drayber sa motorsiklo nakaangkon og mga pangos sa lawas.