Gipakita ni Eumir Marcial ang dakong kasingkasing ug kaisog sa Filipino fighter dihang mibangon kini di lang makausa, apan tulo gyud ka higayon.

Human natumba katulo, migawas ang kabangis ni Marcial ug sa ikaupat nga hugna, iyang gipatulog si Isiah Hart sa Virgin Hotels, Las Vegas Nevada April 10, 2022 (PH time).

Sa unang hugna sa boxing match, tumba gyud dayon si Marcial, gisundan pa kini og laing duha ka hagba sa ikaduhang round.

Didto na sa ikaupat nga round nakabawi si Marcial, gamit ang walang kamot iyang napatumba ang Amerikano nga kontra og didto gihunong sa referee ang boxing match.

Gilangkat ni Marcial ang iyang ikaduhang daog isip pro boxer, mao pud kini ang iyang unang knockout win sa iyang pro career.

Niadtong Disyembre 2020, mi-debut si Marcial isip pro boxer batok Andrew Whitfield, kinsa iyang gilupig pinaagi ang unanimous decision.

Si Marcial usa ka bronze medalist sa Tokyo Olympics.