Panahon karon sa summer og uso napud ang pulong nga tuli o circumcision alang sa mga kabataan.
Adunay usa ka makalingaw nga istorya kabahin sa tuli ang gipaambit sa kanhi National Basketball Association (NBA) All-Star Spencer Haywood.
Sigon ni Haywood nga siya ra ang mituli sa iyang kaugalingon niadtong bata pa siya didto sa Mississippi City, Estados Unidos.
Ang maong hitabo nabutyag pagbalik sa iyang pagkalakip sa HBO Documentary nga gitawag og “Winning Time” diin gisaysay experience sa players og ang Los Angeles Lakers dynasty sa dekada 80.
Gikompirmar kini sa four-time All-Star nga si Haywood. Matod niya, sa ilang lugar gamay ra og population ug wala’y doktor, mao siya nalang ang gatuli sa iyang kaugalingon.
“Let me explain. In this small town in Silver City in Mississippi, it ain’t no silver and it ain’t no city. It’s population of like 370 people and you had no doctors, you had no anything, so my mother was doing it in a biblical standpoint that you gotta be circumcised,” saysay niya.
Dugang pa ni Haywood nga gitabangan pa siya sa iyang igsuon sa pagtuli.
Apan giangkon ni Haywood human niya matuli iyang kaugalingon, miadto siya og clinic aron kini malimpyohan.
Mitapos si Haywood sa iyang NBA career nga adunay 17,111 puntos, 8,675 rebounds ug 1,541 assists.
Sa tuig 1969-1983, miduwa siya sa Denver Rockets, Seattle SuperSonics, New York Knicks, New Orleans Jazz, Los Angeles Lakers ug Washington Bullets.