Bisan paman sa iyang injuries ubanan sa nagkaguliyang nga season sa Los Angeles Lakers, malaumon si Anthony Davis nga di siya i-trade sa laing team.
Wa ka buylo ang superstar center nga si Davis karon nga season ug nakaalagad lang kini’g 40 games alang sa Lakers tungod sa injury niini.
Apan matod sa forward-center nga wa siya maguol sa mga hungihong kalabot sa trade kay kini ang usa ka butang nga wala sa iyang control.
“I can’t control those things,” matod niya. “That’s an upstairs thing. A Klutch, Rich Paul thing. My agency," matod ni Davis.
“I mean, my job is to go out and play basketball. Obviously, I love it in L.A. If that’s something that they’re considering, then we’ll have a conversation about it. I don’t know what they’re talking about, what’s the plan,” dugang niya.
Ang kontrata ni Davis ubos sa Lakers hangtod 2025. Bisan paman niini wa gihapon kalingkawas si Davis sa mga tabitabi kabahin sa trade.