Mipika si kanhi five division world champion Floyd Mayweather sa iyang mga kritiko nga ningsaway kaniya sa social media human niya gianunsyo nga mosagubang na sab siya og laing exhibtion bout sa umaabot.
Ning bag-uhay lang, gipahibalo ni Mayweather nga makigsangka siya sa iyang kanhi sparring partner nga si Don Moore karong Mayo 14, 2022 sa Burj Al Arab Hotel helipad sa Dubai.
Matod ni Mayweather, 45, nga gigamit lang niya ang iyang utok aron padayon gihapon siyang makahakot og kuwarta bisan retirado na siya isip professional boxer.
“See, they’re upset because I’m able to milk the game. I’m smart, I’ve kept all my faculties, made a lot of smart investments,” si Mayweather nga napatik sa www.boxingscene.com.
“They’re upset that I’m able to go out there and continue to make 40 and 50 and 60 million outside the ring. You can’t get mad, this old guy won it.”
Gipasabot ni Mayweather nga gipaningkamutan niya og maayo aron maabot niya ang iyang estado sa karon.