TAGUM CITY, Davao del Norte -- Dako ang pagmahay sa usa ka babaye human suma niya wa kabalo unsay gisuksok sa iyang silhig nga gipadala kaniya pasulod sa Davao del Norte Provincial Rehabilitation Center niadtong Sabado sa hapon, Abril 9, 2022.
Sa paghiling sa silhig sa mga personahe sa rehabilitation center, nadiskubrehan ang mga pakite sa gituohang shabu.
Sumala sa 25-anyos nga dinakpan, wala siya nasayod unsay gisuksok sa silhig diin gipadala lamang kini kaniya sa usa ka lalaki nga wa panganli.
Sumala sa Tagum police, mudos sa pipila nga dunay dautang tinguha ang paghimo og pamaagi nga di sila masapon, apan abtik ang awtoridad sa pagrekisa.
Gikasohan na ang suspek didto sa korte sa paglapas sa Republic Act 9165, kun Comprehensive Dangerous Drugs Act of 2002.