Ang kadalanan sa Siyudad sa Sugbo napuno na usab sa hugot nga pagtuo ug debosyon samtang ang “Buhing Kalbaryo” nagtimaan sa ika-25 nga tuig sa pag-asoy sa kinabuhi ug mga sakripisyo ni Hesukristo sa Biyernes Santo, Abril 15, 2022.
Pagkahuman sa duha ka tuig nga wa kini mapahigayon tungod sa pandemya ug bisan pa sa bati nga kahimtang sa panahon, ang reenactment sa Pasyon sa Krus nadayon.
Ang Buhing Kalbaryo usa ka drama nga presentasyon sa mga artista nga Cebuano sa pagsulay, pag-antos, ug kamatayon ni Hesukristo.
Nagsugod ang programa sa Santo Nicolas de Tolentino Parish diin ang linya sa istorya sa pagbunyag ni Jesus hangtod gihugasan ni Pontius Pilato ang iyang mga kamot ug gimando ang paglansang sa krus.
Ang “Way of the Cross” nahitabo sa Vicente Rama Avenue nga adunay 14 ka mga istasyon sa krus nga gitapos sa Espina Compound sa Barangay Guadalupe, diin gilansang si Hesukristo.
NALANGAY
Sumala ni Elmer “Jojo” Labella, artistic consultant sa duwa, ang dili mapugngan nga uwan sa miaging semana maoy hinungdan sa pagkalangay sa ilang pag-andam ug nakaaghat sa mga organisador sa paghimo og pipila ka mga kausaban.
“There were so many things that they wanted to put up but dili gyud tungod sa uwan,” matod ni Labella.
Bisan pa sa mga sirkumstansya, giingon ni Labella nga ang tibuok nga duwa malampuson tungod sa kahanas ug kasinatian nga gipakita sa mga aktor ug direktor nga nagtrabaho sa dugay na nga panahon.
Si Mayor Michael “Mike” Rama kinsa nipasiugda sa Kalbaryo kaniadtong 1997 niingon nga kini nga programa kinahanglan magpahinumdom sa publiko sa pagtan-aw ug ihalad ang tanan sa Diyos.
“The reflection really is that faith is really amazing, you just have to believe in him,” matod ni Rama.
Ang mayor nakita nga naglakaw ug niapil sa Way of the Cross gikan sa San Nicolas hangtod sa Guadalupe, matod ni Rama nga gibuhat niya kini sa daghang mga tuig ingon usa ka pagpahayag sa iyang tinuohan.
Base sa gibana-bana nga gihatag sa Guadalupe Police Station, adunay mga 1,000 nga mga tumatan-aw nga nakasaksi sa programa sa Barangay Guadalupe, walay apil sa mga tawo sa San Nicolas.