Ang world-class pole vaulter Ernest John ‘EJ’ Obiena maoy napiling flag-bearer sa Pilipinas alang sa 31st Southeast Asian (Sea) Games didto sa MNy Dinh National Stadium sa Hanoi, Vietnam.
Si Obiena lakip sa 656 Filipino athletes nga mosalmot sa Sea Games didto sa Vietnam nga mosuway pagdepensa sa overall championship.
Ang Pilipinas maoy nahimong overall champion sa 2019 Sea Games sa Manila.
Ang 6-foot-2 nga si Obiena modepensa sa iyang pole vault title nga iyang nakuha pinaagi sa layat nga 5.45 meters niadtong 2019.
Dako na og improvement si Obiena human sa 2019 Sea Games kay nakuha man pud niya ang Asian men’s record nga 5.93 meters sa Innsbruck, Austria sa miaging tuig.
Matod pa ni Obiena nga dakong garbo kaniya ang mahimong flagbearer sa Pilipinas.
“I was heading home after training here in Formia [Italy] when I received the message,” sigon niya.
Ang Vietnam Games magsugod sa Mayo 12 ug motapos sa Mayo 23.