Nahimuot ang audiences ug netizen sa nahitabong pagkalagpot sa usa ka pares nga sapatos ni Dara Park, miyembro sa ‘2NE1’ atol sa ilang performance sa Coachella Music Fest sa California niadtong Domingo, Abril 17.
Tungod sa high energy performance level ni Dara uban sa iyang banda nga sila si Bom, CL ug Minzy, ni-perform kini og kick o patid atol sa ilang pag-awit.
Apan tungod sa kakusog, nalagpot ang sapatos ug nakuyog og kalagpot ang itom nga foot socks sa singer.
Sigun sa panulti-on “the show must go on” nga mora rag way nahitabo ni Dara.
Netizen nakadayeg sa professionalism ni Dara ug padayon sa ilang high intensity performance bisag nagtiniil ang usa ka tiil niini nga gisaksihan sa libo-an ka mga tawo diha sa audience.
Nasilbi nga reunion performance ang gihimo sa South Korean girl group nga ‘2NE1’ nga gikakurat sa audience human sila nga nabungkag unom na ka tuig ang milabay.