Kapulisan sa Station 3 MCPO gitudloan og arte sa Muay Thai

(Hulagway sa Mandaue City Police Station 3)
(Hulagway sa Mandaue City Police Station 3)

Ang mga sakop sa Station 3 sa Mandaue City Police Office (MCPO) nipailawom sa pagbansay sa Muay Thai, usa ka paugnat sa kusog nga apil sa Mixed Martial Arts (MMA).

Ang Muay Thai nigamit sa arte sa walo ka puntos, naglakip kini sa kumo, siko, tuhod ug mga bagtak.

Si Police Captain Emmanuel Rabaya, hepe sa Station 3 sa MCPO nga usa ka MMA enthusiast, nitanyag sa iyang mga sakop sa maong paugnat-sa-kusog.

Matod ni Rabaya, makatabang kini og dako sa pagdepensa sa ilang kaugalingon panahon sa pagtubag og alarma gawas sa paggamit sa iyang armas.

Si Coach Dodz Balansag maoy iyang gikuha nga instructor gikan sa Tatus Mhuay Thai sa Labogon, Mandaue nga libre ra ang paghatag og pagbansay sa mga pulis.

Ang maong pagbansay himuon matag Martes ug Huwebes human sa oras tingtrabaho sa mga pulis sa dakbayan.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph