Kanhi barangay kapitan patay human gipauwanan og bala sa riding-in-tandem sa national road sa Barangay New Bago, lungsod sa Asturias, ala 1:00 sa hapon, Miyerkules, Abril 20.
Ang biktima giilang si Camelo Dacoldacol, 50, minyo, kanhi sa barangay kapitan sa Sta. Rita, Asturias.
Si Dacoldacol kanhi nasikop sa Provincial Intelligence Unit (PIU) niadtong 2017 pinaagi sa search warrant tungod sa paghupot sa mga tag-as nga kalibre sa armas nga walay lisensiya.
Gilambigit sab siya kaniadto sa illegal nga kalihukan, pero wala na kini nilansar human sa iyang termino.
Ang biktima sakay sa iyang multicab padung sa ilang panimalay dihang gibanhigan sa mga nagsakay og motorsiklo sa naasoyng dapit.