Usa ka 7 anyos nga bata gilugos sa iyang 42 anyos nga uyoan sa sa Barangay Balud, lungsod sa Dalaguete, alas 8:30 sa buntag sa Lunes, Abril 18.

Ang biktima mao si Brenda (dili nya tinuod nga ngan), tinun-an sa grade 1, taga Balud, Dalaguete.

Samtang, ang suspek nga si Willy (di tinuod ngan), 42, ulitawo ug nagpuyo sa nahisgutang lugar.

Si Police Major Gilfred Baroman, hepe sa Dalaguete Police Station, nagkanayon nga ang inahan maoy nagkabantay sa nahitabo.

Gibutyag sa inahan nga Lunes sa buntag nakit-an niya ang suspek nga nigawas sa lawak sa panimalay.

Ang inahan hilom nga nisulod sa lawak ug gisukitsukit ug kini nitug-an nga gihilabtan siya sa iyang uyoan.

Ang bata gisusi sa Pink room sa Vicente Sotto Memorial Medical Center (VSMMC) ug positibong nahilabtan.

Kagahapon, Abril 20, napasakaan na ang suspek sa kasong kalapasan sa RA8353 Anti-Rape Law ug RA7610 o Anti-Child Abuse Law.